Kina dhe Rusia i bëjnë thirrje OKB-së që të heqë sanksionet ndaj Koresë së Veriut
Kina dhe Rusia po i bëjnë thirrje Këshillit të Sigurimit të Kombeve të Bashkuara që të ndërpresë sanksionet ndaj eksporteve kryesore të Koresë së Veriut, si qymyri, hekuri, xeherori dhe tekstili, “me qëllim të rritjes së jetesës së popullatës civile.”
Një projekt-rezolutë që u është shpërndarë anëtarëve të këshillit të hënën nga të dy aleatët e udhëheqësit të Koresë së Veriut Kim Jong Un gjithashtu do të heqë një ndalim për Koreano Veriorët që punojnë jashtë shtetit dhe të përfundojë një vendim për riatdhesimin e të gjithë atyre që fitojnë të ardhura jashtë vendit deri më 22 dhjetor.
Këshilli shprehu shqetësim kur dispozita e riatdhesimit u miratua dy vjet më parë se të ardhurat nga afro 100,000 Koreane e Veriut, sipas një vlerësimi të Sh.B.A, po përdoren për të mbështetur programet e raketave bërthamore dhe balistike të Veriut ..
Në samitin e dytë të Kim Jong Un me Presidentin e SHBA Donald Trump shkurtin e kaluar, negociatat u ndërprenë pasi SH.B.A.-të refuzuan kërkesat e Koresë së Veriut për lehtësimin e sanksioneve të mëdha në këmbim të një dorëzimi të pjesshëm të aftësive bërthamore të Veriut.
Koreja e Veriut ka realizuar 13 raketa balistike që nga maji duke bërë presion ndaj Uashingtonit, dhe ka lënë të kuptohet se në mënyrë që të heqë moratoriumin e tij për provat bërthamore dhe raketat me rreze të gjatë, administrata Trump duhet të bëjë lëshime thelbësore para vitit të ri.(Associated Press)
Geri Kolgega / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.