Kina dhe Rusia inaugurojnë projektin e ri të gazit natyror që do të bashkojë më shumë vendet

Kina dhe Rusia miratuan projektin e ndërtimit të një tubacion gazi që është më shumë se 6.000 kilometra (3,750 milje) i gjatë, një rezultat i partneritetit të tyre të planifikuar për një kohë të gjatë.

Ndërsa marrëdhëniet e saj me Evropën dhe Shtetet e Bashkuara janë bërë edhe më të paqëndrueshme, Rusia po kërkon të sjellë burimet e saj të gjera të gazit natyror në lindje. Kina është konsumatori më i madh i energjisë në botë dhe ka nevojë për burime të reja furnizimi për të përmbushur kërkesën e brendshme.

Presidenti kinez Xi Jinping dhe presidenti rus Vladimir Putin inauguruan tubacionin – e quajtur “Fuqia e Siberisë” – përmes një konference të përbashkët.

“Ky hap e dërgon bashkëpunimin energjetik Rusi-Kinë në një nivel krejt të ri dhe na afron në arritjen e qëllimit të vendosur së bashku me Presidentin Kinez Xi Jinping për zgjerimin e qarkullimit të tregtisë bilaterale në 200 miliardë dollarë në 2024,” tha Putin.

Rusia filloi të kërkojë partneritete alternative ekonomike pasi SH.B.A-të dhe Bashkimi Evropian vendosën sanksione për aneksimin e saj të Gadishullit të Krimesë në Mars 2014.

Është një “projekt me rëndësi simbolike për bashkëpunimin Kinë-Rusi”, tha presidenti kinez Xi, i cili shprehu shpresë se tubacioni do të bëhet një forcë lëvizëse për zhvillimin ekonomik dhe shoqëror në rajonet që ai përshkon.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.