Kina “e tronditur” nga masat që po ndërmerr SHBA për tregtinë mes dy vendeve

Kina është shfaqur e “shokuar” pas njoftimit të bërë nga SHBA për tarifat e reja të tregtisë duke shpallur kështu një lufte tregtare mes dy vendeve.

SHBA listuan produkteve shtesë me vlerë 200 miliardë dollarë, mbi të cilat synon të vendosë tarifa në shtator.

Ky veprim ka ardhur vetëm pak ditë pasi vendet vendosen tarifa prej 34 miliardë dollarësh mbi mallrat e njëri–tjetrit.

Pekini e përshkroi kërcënimin e fundit të Washington-it si “krejtësisht të papranueshëm” duke thënë se kjo do dëmtojë botën.

“Sjellja e SHBA po dëmton Kinën, botën por edhe veten e saj”, tha një zëdhënës i Ministrisë së Tregtisë të Kinës. Gjithashtu ai shtoi se qeveria do të merrte masat e nevojshme reciproke kundër.

Lista e këtyre produkteve përfshin mbi 6000 artikuj produktesh si: produktet ushqimore , mineralet dhe mallrat e konsumit si çantat. Publiku duhet të komentojë deri në fund të gushtit në listë , përpara se të hyjnë në fuqi tarifat e reja – që do të vendosen në 10%.

Bursat në Azi ranë ndjeshëm të mërkurën pasi investitorët shmangën rrezikun mes shkallëzimit te tensioneve tregtare midis dy gjigandëve ekonomikë. Në Kinë, indeksi Hang Seng i Hong Kongut ra me 1.5% , ndërsa Kompania e Shangait ra me 1.8%. Indeksi japonez Nikkei 225 ra 1.2%.

Shtëpia e Bardhe thotë se tarifat janë një përgjigje ndaj praktikave të padrejta tregtare nga Kina. SHBA dëshiron që Kina të ndalë praktikat që supozohet të inkurajojnë transferimin e pronësisë intelektuale, projektimit dhe ideve të produktit, tek kompanitë kineze , siç janë kushtet që firmat e huaja t’i ndajnë me partnerët lokalë për të hyrë në tregun kinez.

“Si në të kaluarën, Shtetet e Bashkuara janë të gatshme të angazhohen në përpjekje që mund të çojnë në zgjidhjen e shqetësimeve tona rreth praktikave tregtare të padrejta të Kinës,  dhe në Kinë duke hapur tregun e saj për mallrat dhe shërbimet e SHBA”, tha përfaqësuesi i Tregtisë së SHBA Robert Lighthizer.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.