Kina edhe pse po prodhon vaksina me bollëk, ka një fushatë shumë të ngadaltë vaksinimi: Pse?

Nëse në Europë fushata e vaksinimit ngadalësohet kryesisht nga mungesa e vaksinave (si dhe nga organizmat e dobët dhe alarmet shëndetësore), në botë ekziston një vend që prodhon vaksina me bollëk, por është ende mbrapa në orarin e vaksinimit: Kina , e cila pavarësisht se është në krye të renditjes për dozat e prodhuara nga vaksina e vet, ka më pak vaksina sesa, për shembull, Shtetet e Bashkuara (e dyta në renditjen për dozat e prodhuara).

Duhet theksuar se është një vend me gati 1.4 miliardë njerëz: sigurisht që nuk është i krahasueshëm me Italinë apo ndonjë vend tjetër europian, madje as me Shtetet e Bashkuara, të cilat kanë vetëm 330 milion banorë. Por edhe duke pasur parasysh këtë ndryshim thelbësor, Kina duket se mbetet prapa rivalit të saj perëndimor: duke folur për doza të administruara, Shtetet e Bashkuara që prej 14 Marsit ishin 107 milion; Kina, me 20 Mars, ishte 70 milion.

Duke parë numrat në lidhje me popullsinë, hendeku është edhe më i theksuar: sipas OurWorldInData, që nga 25 Marsi në Kinë, ishin administruar më shumë se 6 doza për 100 persona, krahasuar me pothuajse 40 në Shtetet e Bashkuara (doza që nuk korrespondojnë domosdoshmërish me numrin e përgjithshëm të vaksinuarve, pasi disa vaksina kërkojnë inokulim të dyfishtë).

Sipas Economist, fushata e vaksinimit nuk mund të ngadalësohet për shkak të rezistencës kineze ndaj vaksinës: përkundrazi, të dhënat tregojnë se 85% e popullsisë është në favor të vaksinimit anticovid.

Një rol të rëndësishëm në vend të kësaj do të luante e ashtuquajtura diplomaci e vaksinimit: siç shpjegon Economist, Xi Jinping (presidenti i Republikës Popullore të Kinës) njoftoi majin e kaluar se vaksinat kineze do të ishin “një e mirë publike globale”. Kompanitë prodhuese kanë nënshkruar kontrata me mbi 12 shtete të huaja për të eksportuar gjysmë miliardë doza dhe qeveria është zotuar të sigurojë ndihmë vaksinimi për 53 vende.

Ky altruizëm i dukshëm, shpjegon gazeta britanike, në të vërtetë do të ishte rezultat i një veprimi: qeveria kineze do të kishte kryer provat e fazës 3 të vaksinave të saj në disa vende (përfshirë Brazilin, Indonezinë, Pakistanin dhe Perunë), në të cilat në këmbim ai do të kishte premtuar shpërndarjen me përparësi të dozave. Kjo sepse, pothuajse duke e zhdukur virusin, Kina nuk mund të kishte kryer testet e brendshme, pasi shanset për tu infektuar – dhe për të verifikuar efektivitetin e vaksinës – ishin (dhe janë akoma) minimale. (Focus)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.