Kina, gati për 5G – Do të instalojë 50 mijë stacione brenda këtij viti

Kina është vendosur në krye të garës teknologjike. Me progresin që ka bërë në drejtim të teknologjisë 5G të internetit, Kina duket se po e fiton këtë garë. Sipas deklaratës më të fundit të Ministrisë së Industrisë dhe Teknologjisë së Informacionit, brenda fundit të këtij viti, vendi do të ketë instaluar 50 mijë stacione bazë në 50 qytete të ndryshme të vendit për këtë lloj teknologjie. Ministria ka aprovuar deri më tani edhe 7 licenca për operatorët për t`u pajisur me pajisjet e teknologjisë së re.

Parashikohet që vitin e ardhshëm, teknologjia në fjalë të futet në përdorim të gjerë. Sipas asaj që pretendojnë autoritetet kineze, dhe jo vetëm, interneti 5G do të ketë një shpejtësi mbresëlënëse. Sipas ekspertëve, shpejtësia do të tejkalojë edhe atë të mendimit të njeriut, duke bërë që të gjejë shtrirje në shumë sektorë.

Roel Korkuti/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.