“Kina ka ulur qëllimisht statistikat që tregojnë numrin e njerëzve të infektuar” / Zyrtarët e Mbretërisë së Bashkuar paralajmërojnë shpagim
Qeveria e Boris Johnson raportohet se është e zemëruar me trajtimin që i ka bërë koronavirusit Kina, me zyrtarë të Britanisë së Madhe që janë cituar të dielën duke paralajmëruar se Pekini do të vihet përballë llogaridhënies pasi të përfundojë kriza COVID-19.
Zyrtarët e qeverisë së Mbretërisë së Bashkuar besojnë se Kina po përhap dezinformata në lidhje me ashpërsinë e shpërthimit të koronavirusit në vendin e saj, raporton DailyMail
Gazeta thotë se shkencëtarët kanë paralajmëruar Johnson se Kina mund të ketë minimizuar numrin e saj të rasteve të konfirmuara të koronavirusit “nga një faktor nga 15 deri në 40 herë”. Kina ka raportuar vetëm 81.439 të infektuar në kohën e këtij shkrimi.
Zyrtarët gjithashtu besojnë se Kina po përpiqet të zgjerojë fuqinë e saj ekonomike përmes ofrimit të ndihmës për vendet e tjera që po përpiqen të luftojnë virusin.
Gazeta citonte tre zyrtarë në Mbretërinë e Bashkuar, të cilët të gjithë raportuan zemërim brenda qeverisë së Johnson.
Gazeta shton se qeveria e Johnson është aq e zemëruar me trajtimin e krizës nga Kina, sa që kryeministri mund të braktisë vendimin e tij të mëparshëm për të lejuar kompaninë kineze të telekomunikimeve Huawei të zhvillojë rrjetin 5G në Mbretërinë e Bashkuar.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.