Kina kthen vëmendjen tek ushqimet e ngrira në betejën për të eliminuar kërcënimin e virusit, por ekspertët mbeten skeptikë
Për muaj me radhë, Kina është përpjekur të eliminoje plotësisht koronavirusin e ri pasi suksesit të përmbajtës së shpërthimit të tij fillestar. Por grupe të vogla sporadike kanë vazhduar të rishfaqen, përpos vendosjes së disa prej kufizimeve më të rrepta në botë për kufijtë dhe masat e karantinës.
Përveç udhëtarëve që vijnë, zyrtarët kinezë dyshojnë se virusi po sillet nga një fajtor tjetër – importet e ushqimit të ngrirë.
Teoria kundërshton udhëzimet nga autoritetet ndërkombëtare të shëndetit. Organizata Botërore e Shëndetësisë thotë se është “shumë e vështirë që njerëzit të mund të kontraktojnë Covid-19 nga ushqimi ose paketimi i ushqimit”, dhe Qendrat e Shteteve të Bashkuara për Kontrollin dhe Parandalimin e Sëmundjeve (CDC) thonë se rreziku “mendohet të jetë shumë i ulët”. Të dy insistojnë se nuk ka prova të një transmetimi të tillë.
Por Kina pretendon se ka provuar se është e mundur të kontraktohet Covid-19 nga paketimi i ushqimit dhe po dyfishon përpjekjet për ta parandaluar atë. “Gjithnjë e më shumë prova tregojnë se prodhimet e detit ose produktet e mishit të ngrira mund të sjellin viruse nga vendet e shpërthimit në Kinë,” tha Wu Zunyou, kryedemiolog i CDC Kineze, këtë javë.
Gjatë pesë muajve të fundit, Kina ka thënë se ka zbuluar gjurmë të koronavirusit në një sërë produktesh ushqimore të ngrira të importuara ose nga paketimi i tyre, duke përfshirë karkaleca nga Ekuadori, kallamarë nga Rusia, peshk nga Norvegjia dhe Indonezia dhe krahë viçi dhe pule nga Brazili. Por ekspertët thonë se testet e acidit nukleik të Kinës mund të mbledhin fragmente gjenetike të virusit të vdekur, të cilat nuk janë më infektive.
Ndërkaq muajin e kaluar, kur gjurmoi burimin e një shpërthimi në qytetin Qingdao, CDC kineze njoftoi se kishte zbuluar dhe izoluar koronavirusin e gjallë në paketimin e peshkut të ngrirë të merlucit të importuar, një zbulim që tha se ishte “i pari në botë” dhe “konfirmoi se kontakti me paketimin e jashtëm të kontaminuar nga koronavirus i ri mund të shkaktojë infeksion.” (CNN)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.