Kina lë të “lirë” juanin – Heq masat mbështetëse për valutën, tashmë që është rritur

Kina po përgatitet të heqë masat mbështetëse të juanit, ndërkohë që rritja e fundit e valutës ka fshirë të gjithë humbjet e vitit të kaluar.

Duke nisur këtë javë, Banka Qendrore ka hequr një rregull mbi rezervat e detyruara për tregtitë, si kontratat “futures” të valutave, gjë që e bën më të lirë për investitorët që të blejnë dollarë ndërkohë që shesin juanin.

Bankat, më parë duhet të ruanin 20% të shumës së kontratave për juanin të një muaji më parë, për t’i përdorur si rezerva për rreziqet e lidhura me këmbimin valutor.

Banka Qendrore e Kinës po përgatitet të heqë gjithashtu rezervat e kërkuara mbi depoziat në juan për bankat e huaja.

Këto veprime, së bashku me rregullat e kontrollit të kapitalit, janë shënjestruar për të zbutur zhvlerësimin e juanit dhe rritur besimin në ekonominë e dytë më të madhe në botë.

Ekspertet thonë se planet e Qeverisë kanë funksionuar, pasi juani është fuqizuar me 6.7% kundër dollarit amerikan këtë vit, duke fshirë të gjithë rënien e vitit të kaluar.  Ditën e Hënë, Qeveria caktoi një kurs më të lartë me dollarin,  duke e rritur për të 11-in sesion radhazi, në 6.4497 për dollarë.

Kjo mund të jetë një lëvizje e llogaritur nga Qeveria, përpara vizitës së Donald Trump që pritet më vonë gjatë vitit.

Trump e ka akuzuar Kinën për praktika të padrejta tregtare dhe zyrtarët në SHBA kanë thënë prej kohësh se vendi zhvlerson juanin për t’i dhënë nxitje tregtisë.

Një vlerë më e lartë e juait i hedh poshtë këto pohime. Për autoritetet kineze, juani ka qenë një akt i ekuilibirit.

Një juan i fortë, bashkuar me kërkesën e dobët mund të godase tregtinë, që është një shtyllë e rëndësishme e ekonomisë kineze.

Në muajin Gusht, eksportet u rritën me 5.5%, duke u ngadalësuar nga 7.2% rritje që treguan në Korrik.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.