Kina, “nevojtare” për Shqipërinë – Instat: Dyfishohet eksporti vendas drejt vendit të tretë më të madh në botë
Shqipëria thuajse ka dyfishuar eksportin me Kinën në muajin dhjetor. Sipas të dhënave më të fundit të Institutit të Statistikave, në dhjetor 2020, vendi ynë ka eksportuar mallra në vlerë 613 milionë lekë, 266 milionë lekë më shumë se në dhjetor 2019.
Nga ana tjetër, edhe importi nga Kina është rritur në muajin përmbyllës së vitit 2020. Sipas Instat, importi i mallrave nga Kina në dhjetor 2020 ka qenë në vlerën 5.3 miliardë lekë, nga 5.2 që rezulton për dhjetorin e 2019- ës.
Ajo çka mund të ketë ndikuar në rritjen e eksportit drejt një vendi që duket “sikur i ka të gjitha”, është marrëveshja e nënshkruar me qeverinë kineze vetëm pak muaj më parë, për eksportin e mjaltit shqiptar në Kinë.
Jenida Vladi/ SCAN
Lexo edhe:
Mjalti shqiptar do të shitet në Kinë – Çuçi: Javën tjetër nënshkruhet marrëveshja
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.