Kina ruan vrullin – Treguesit kryesorë ekonomik, në rritje të qendrueshme
Ekonomia kineze ka mbajtur një rritje të qëndrueshme gjatë Gushtit, sipas treguesve ekonomikë të publikuar nga Byroja Kombëtare e Statistikave. Vlera e shtuar në industri, apo prodhimi industrial, u rrit me 6.1% me bazë vjetore, apo 0.1% sipër normës së muajit Korrik. Në industrinë e shërbimeve, indeksi i prodhimit të shërbimeve tregoi rritje me 7.5% me bazë vjetore, ndërkohë që shërbimet e teknologjisë së informacionit, leasing-ut dhe bizneseve patën secila rritje.
Shitjet totale me pakicë të mallrave konsumatore kaluan 460.8 miliardë dollarë gjatë muajit dhe treguan një rritje me 9% me bazë vjetore. Investimet në aktive fikse patën gjithashtu performancë të fortë, me një rritje prej 5.3%, në 6 trilionë dollarë në total gjatë 8 muajve të parë të këtij viti.
Ndër këto, investimet private zunë 3.8 trilionë dollarë, një rritje me 8.7%. Tek të dhënat për punësimin, norma urbane e papunësisë në muajin Gusht pati një rënie të lehtë me 0.1% nga muaji i kaluar, duke prekur 5% gjatë Gushtit.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.