Kina shkurton “listën e zezë” – Lehtëson më tej barrierat për kompanitë e huaja në tregun vendas

Kina ka hapur mëtej ekonominë dhe ka lehtësuar kufizimet për investimet e huaja, duke reduktuar listën e industrive që kompanitë e huaja nuk mund të zhvillojnë tregti si dhe ka reformuar industrinë e bujqësisë.

Një muaj pasi Qeveria publikoi listën, gjërat po bëhen gjithnjë e më konkrete për kompanitë e huaja.

Në sektorin e bujqësisë, firmat e huaja lejohen që të tregtojnë 3 produkte të rëndësishme në mënyrë direkte: misrin, grurin dhe orizin. Cargill, një nga kompanitë më të mëdha në botë të tregtimit të produkteve bujqësore deklaroi se kjo përbën një lajm shumë pozitiv për ta.

“Kina prodhon 200 milionë tonë misër, por kompania mund të tregtojë vetëm 600,000 tonë, një sasi shumë e vogël.  Duke u hapur, mundësitë e tregtimit janë shumë më të mëdha dhe tashmë mund ta bëjmë në mënyrë direkte si kompani e huaj dhe jo nëpërmjet një pale të tretë”, deklaroi Cargill.

Ndërkohë që kjo përbën lajme të mira për tregtarët e drithërave, kompani të tjera të huaja shpresojnë që të dalin nga lista e zezë herës tjetër. Sipas pritshmërive, sektori i bujqësisë pritet të vazhdojë me reduktimin e barrierave.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.