Kinë – Anije e re për ndërtimin e ishujve artificialë. Shqetësohen fqinjët
Kina, ekonomia e dytë më e madhe në botë po teston një anije të re të aftë për të krijuar ishuj artificialë, më të mëdhenjtë në Azi. Fakti se mund të vendoset në Detin e Kinës Jugore ka shkaktuar tension dhe frikë.
Tian Kun Hao me gjatësi prej 140 metrash është e aftë të grumbullojë 6000 metër kub rërë në orë nga 35 metra thellësi dhe ta vendosë atë diku për të krijuar ishuj. Kina ka shumë projekte për rikuperimin e tokës përgjatë bregdetit të saj, ndaj prania e një anije të tillë nuk është e pazakontë.
Pekini ka shfrytëzuar më parë gërmuesit për të krijuar shtatë ishuj të fortifikuar, disa prej të cilëve shërbejnë si baza për raketat dhe sistemet e radarëve.
“Anija e re, e cila pritet të vihet në shërbim vitin e ardhshëm, nuk është krijuar për të nxitur probleme,” tha zëdhënësi i Ministrisë së Jashtme kineze Hua Chunying.
Por, pretenduesit e Detit të Kinës Jugore po tregohen të kujdesshëm.
“Prania e sa është paksa shqetësuese. Ku po shkon ne nuk e dimë. Ne po monitorojmë vazhdimisht lëvizjen e anijes,” u shpreh Delfin Lorenzana, sekretar i Mbrojtjes Filipine.
Ky zhvillim vjen në mes të një periudhe relativisht të qetë në rajonin e rëndësishëm strategjik.
Ndërkohë, Ian Storey, bashkautor në Institutin ISEAS –Yousuf Ishak tha se këto lloj anijesh mund të përdoren për projekte të ligjshme inxhinierike. Sipas tij, tensionet territorial janë ftohur kohët e fundit, kështu që shenjat e sjelljes agresive do të ndalen.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.