Kinezët e “HNA” rrisin pjesën e aksioneve tek “Deutsche Bank” – Tashmë zotërojnë 10% të bankës gjermane
Konglomerati kinez Hna ka rritur pjesën e tij të aksioneve në Deutsche Bank në pothuajse 10%. Kjo e bën atë aksionerin më të madh të bankës gjermane, së bashku me dy fonde të emirit të Katarit, ndjekur nga BlackRock, fondi amerikan i investimeve me 5,9%.
Hna ka filluar blerjen e aksioneve të Deutsche Bank në Shkurtin e kaluar, duke blerë 3%, të cilën e rriti në 4,8% në Mars dhe tashmë zotëron 9,92% të aksioneve. Grupi kinez kishte deklaruar gjatë blerjeve të para se kërkon të jetë një investitor pasiv dhe se nuk donte të kalonte 10% të kapitalit.
Hna ka marrë pjesë gjithashtu edhe në shtimin e fundit të kapitali me 8 miliardë euro.
Operacionet janë kryer përmes austriakes C-Quadrat, administratori i së cilës është emëruar në këshillin mbikëqyrës të bankës gjermane.
Konglomerati Hna lindi në vitin 1989 nga një linjë ajrore private, Hainan, ku punonte themeluesi i saj, Chen Feng, dhe gjatë kohës Hna ka zgjeruar veprimtarinë e saj.
Gjatë viteve të fundit grupi ka kryer investime të mëdha jashtë vendit. Vetëm këtë vit, ai ka shpenzuar 40 miliardë dollarë, duke u zgjeruar në linja të tjera ajrore në Brazil dhe në Afrikën e Jugut, në sektorin e hotelerisë, në duty free, në logjistikë në Australi dhe në sektorin imobiliar në Londër.
Javët e fundit, kanë qarkulluar zëra se Hna mund të ishte një blerës i interesuar për bakën rajonale gjermane, Hsh Nordbank, e cila është aktualisht në krizë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.