Kini kujdes me çantat e ripërdorshme të blerjeve: janë burim i bakterieve
Ne i preferojmë ato sepse na lejojnë të zvogëlojmë përdorimin e plastikës (dhe sepse ato janë edhe më të rehatshme). Por në afat të gjatë ata mund të bëhen një enë mbajtëse e mikrobeve dhe baktereve. Gjithnjë e më shumë, për blerje, ne preferojmë çantat e ripërdorshme: besimi ynë është se ato nuk i bëjnë dëm mjedisit dhe janë më lirë se qeset plastike klasike që blihen në moment. Sidoqoftë, ekziston një aspekt, në të cilin ndoshta duhet t’i kushtojmë më shumë vëmendje: higjiena e tyre. Çantat e ri përdorshme, në të vërtetë, nuk janë aspak vetë-pastruese!
Universiteti i Arizonës gjatë studimit mori në pyetje një numër të konsiderueshëm konsumatorësh duke i pyetur ato nëse i lanin ndonjëherë çantat e tyre të blerjeve apo jo. Nga përgjigjet rezultoi se 97% e konsumatorëve i lanin rrallë ose nuk i kishin larë kurrë çantat e ushqimeve. Përveç kësaj, tre të katërtat e të anketuarve pranuan se nuk përdornin çanta të veçanta për mish dhe perime, dhe rreth një e treta thanë se po përdorin çanta për lloje të ndryshme (ushqim, libra …).
Kështu, duke testuar 84 çanta, studiuesit gjetën sasi të mëdha të mikrobeve, duke përfshirë bakteret koliforme (nga mishi i papërpunuar) të tilla si E. coli i rrezikshëm, i cili u gjet në 12% të çantave. Kjo rrjedh edhe nga zakoni i keq i vendosjes së qeseve të blerjeve me mish në bagazhin e makinës: nxehtësia shkakton përhapjen e baktereve, të cilat kontaminojnë strukturën e çantave. Nivelet e baktereve të gjetura ishin mjaft të larta për të shkaktuar probleme serioze shëndetësore.
E.T /SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.