Kjo është ajo që duhet të bëni kur filloni një punë të re – Këshilla të vlefshme nga këshillues financiarë

Nuk ka rëndësi nëse sapo keni dalë nga universiteti apo keni kohë që jeni në tregun e punës. Fillimi i një pune të re është i vështirë.

Edhe nëse kryeni të njëjtat detyra, rrjedha e punës shpesh është e ndryshme, dhe nëse po nisni një kompani të re , njerëzit me të cilët punoni janë të ndryshëm.

Por ka një gjë e cila është e lehta dhe e rëndësishme që mund të bëni për t’u bërë eficent në rolin tuaj të ri, shkruan John D Spooner, autor i “No One Ever Told Us That: Money And Life Lessons For Young Adults”.

“Pa marrë parasysh se çfarë pune keni apo çfarë pune dëshironi, afrohuni me njerëzit më të moshuar se ju ose njerëzit kanë goxha kohë në kompani”, shkruan Spooner në libër.

“Ftojini ata për drekë, fakti që ata kanë kaq shumë kohë të punësuar ata duhet të kenë diçka të veçantë për të ofruar”, këshillon autori.

Spooner, i diplomuar në Universitetin e Harvardit si dhe autori më i shitur i Bostonit ka punuar në industrinë financiare për shumë vite.

Ai u emërua një nga 100 këshilltarët më të mirë financiarë në Amerika nga faqja e internetit financiare-investuese Barron.

Në librin e tij ai jep shembuj nga jeta e tij profesionale, për të treguar se ndërveprimi është shumë i vlefshëm dhe të rinjtë në një punë fitojnë shumë nga ky ndërveprim.

Mos prisni që një veteran t’ju afrohet, duhet të jeni ju që të bëni gjithmonë përpjekje.

Punonjësit që kanë punuar për një kohë të gjatë kanë shumë për t’ju ofruar, këshillat e tyre do të jenë për ju më të vlefshme edhe se orientimet dhe mbledhjet që merrni pjesë rregullisht.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.