Klasifikimi i bizneseve në dogana – Analiza e riskut përzgjedh kalimin në “kanalin blu”

Të gjitha bizneset që janë të rregullta në deklarimin dhe pagimin e taksave nuk do të kenë  nevojë për kontroll në dogana.

Aktualisht pranë Drejtorisë së Përgjithshme të Doganave, krahas kanalit jeshil që tashmë është funksional,  po punohet për ngritjen e infrastrukturës së  “Kanalit Blu”, dhe për kompanitë që do të përfitojnë statusin e  kalimit në këtë kanal.

Sipas burimeve nga kjo drejtori, aktualisht  këtë status e kanë marrë dy kompani të njohura shqiptare që  importojnë mallra nga  vende të ndryshme, ndërkohë që është në plotësim procedurash një sipërmarrje tjetër.

Por  bazuar në planin e veprimit të aksionit ndaj informalitetit, është platforma e riskut ajo që do të përcaktojë  më hollësisht  se cilat biznese do të meritojnë këtë “status të veçantë”.

Duhet të ketë një standard për vlerat referuese,  në të gjitha pikat doganore, dhe  do të reflektohet vetëm aty ku ka pikëpyetje dhe dyshime për vlerë dhe këtu  do punohet  me “Kanalin Blu”.

Për ta shpjeguar më qartë, ky do të jetë një verifikim midis doganave dhe tatimeve, kur tatimet në bazë të çmimit referues kontrollojnë vlerën në transaksion duke u fokusuar kryesisht tek tatimi  i vlerës së shtuar. “Platforma e riskut përcakton aktualisht 66 % të kontrolleve te biznesi. Kanali Blu është një hap më i avancuar se “Kanali jeshil ”, i cili është i drejtpërdrejtë, dhe  eksportuesi nuk  ndalon  në doganë për të kaluar për eksport.

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.