KLP emëron zyrtarisht kreun e “FBI-së shqiptare” – Më parë kishte kaluar filtrat e SPAK
Sikurse është njoftuar dhe ditën e djeshme, Këshilli i Lartë i prokurorisë ka mbajtur këtë të enjten një takim virtual. Sipas njoftimit zyrtar, pjesë e takimit kanë të gjithë anëtarët, përfshirë përfaqësues nga Ministria e Drejtësisë, EURALIUS dhe OPDAT.
Në takimin e mbajtur ditën e sotshme, KLP ka emëruar unanimisht Drejtuesen e Byrosë Kombëtare të Hetimit znj. Aida Hajnaj.
Znj. Hajnaj është zgjedhur pas 8 muajsh verifikimesh nga SPAK, organ ky që vendosi të eliminojë 3 kandidatët e tjerë në garë Artur Beu, Ervin Hodaj dhe Idajet Faskaj.
Që prej ditës së sotshme BKH, ose sikurse njihet ndryshe “FBI-ja shqiptare” do të drejtohet zyrtarisht prej Znj. Hajnaj. Kjo strukturë pritet të funksionojë si policia e SPAK, me fokus korrupsionin dhe krimin e organizuar.
D.B – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.