KLSH kallëzon në prokurori 3 ish-zyrtarë të ZVRPP – Shkelje dhe parregullsi në regjistrimin e pronave
Dy ish rregjistrues dhe një specialist/hartograf të Zyrës Vendore të Regjistrimit të Pasurive të Paluajtshme në Kolojnë janë kallzuar në Prokurori nga Kontrolli i Lartë i Shtetit, pasi kanë shkelje dhe parregullsi në regjistrimin e pronave. Sipas auditimit këtë shtetas kanë cënuar interesin publik, që konsiston në rregjistrime e tjetërsime të pronave nga shteti në persona privat e grup personash në mënyrë të paligjshme.
Për këtë arsye KLSH ka kryer kallëzim penal në Prokurorinë e Rrethit Gjyqësor Korçë, për : TH. GJ dhe A.D, me detyrë ish-Regjistrues dhe A.M me detyrë Specialist/ Hartograf, për konsumim të elementëve të veprës penale të “Shpërdorimit të detyrës”, neni 248 i Kodit Penal, për shkeljet:
– Në 17 raste për sipërfaqe 14 091 ha, kanë regjistruar në hipotekë pasuritë e paluajtshme në bashkëpronësi në % takuese për secilin trashëgimtar përfitues, pasi nga ana e KKKP ish-pronarëve vendimet janë marrë në bazë fshati duke futur pasuri si rrugë, liqene, toka pa fryt, etj., që nuk janë objekt i kthimit të pronës si dhe nuk janë të shoqëruara me plan rilevimi.
– Në 9 raste ZVRPP Kolonjë ka regjistruar në hipotekë kontrata koncensionare të lidhura nga Ministria e Ekonomisë dhe Energjitikës dhe shoqërive private, pa përcaktuar zonën kadastrale, numrat e pasurive që ky investim do të ndërtohet, sipërfaqen që do të zërë, statusin juridik të pronës mbi të cilën shtrihet investimi, mënyrën e marrëdhënieve që do të krijohen me pronarët e pronave që prekin këto objekte, si dhe nuk kanë marrë leje ndërtimi nga organet kompetente mbi 6 vjet.
– Në 131 raste për sipërfaqen 201711 m2 e cila rezulton se ështё okupuar nga qytetaret të ndryshëm në 4 fshatra( Blush për 29 rast me sipёrfaqjё 25101 m2; Rehovë për 16 raste, sip. 8199 m2; Bloshanj për 19 raste sip 53901 m2 dhe në fshatin Luaras pёr 67 raste me një sipёrfaqe 114510 m2).
– Në 88 raste, sipas dokumentacionit të administruar janë regjistruar pasuri të llojit “Tokë Bujqësore” me pronar “Shtet” për sipërfaqen 220187 m2 , e cila rezulton se” ështё okupuar nga qytetaret e lartpërmendur.
Gjatë auditimit u gjetën dhe shumë shkelje të tjera, që kanë të bëjnë me rregjistrimin e pronave me mungesë të dokumenteve tekniko ligjore, nuk kanë aplikuar kamatëvonesë për tarifat e regjistrimit jo në kohë, tjetërsimin e pronës në mungesë të ligjit etj.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.