KLSH kallëzon penalisht 11 zyrtarë të Bashkisë së Himarës! Dëmi i konstatuar, 76.4 milion lekë

Kontrolli i Lartë i Shtetit ka kallëzuar penalisht 11 zyrtarë të Bashkisë së Himarës, përfshirë kreun e saj. Referuar njoftimit zyrtar të KLSH-së, nga auditimi i kryer është konstatuar një dëm ekonomik në vlerë 76.4 milion lekë.

“Me Vendimin nr. 37, datë 29.04.2017 të Kryetarit të KLSH-së, është miratuar Raporti Përfundimtar i Auditimit dhe me shkresën nr. 1233/15, datë 30.04.2017, me qëllim  përmirësimin e gjendjes i janë rekomanduar Bashkisë Himarë masa me karakter organizativ  në lidhje me eleminimin e praktikave që kanë sjellë impakt negativ në buxhet në vlerën 341.3 milion lekë dhe masa për shpërblimin e dëmit ekonomik të shkaktuar në vlerën totale 76.4 milion lekë.

Gjatë auditimit u konstatuan shkelje dhe parregullsi të dispozitave ligjore në fuqi, në fushën e menaxhimit dhe zbatimit të buxhetit, lidhur me likuidimin e pagesave për punë të pakryera, në fushën e procedurave të prokurimit publik, mbi përcaktimin e kritereve konkuruese për marrjen pjesë në prokurime, në vlerësimin e ofertave ekonomike, në zbatimin e punimeve, në fushën e tatim-taksave, si dhe në ruajtjen e administrimin e dokumenteve” shkruhet në njoftimin e KLSH-së.

Njoftimi i plotë: Kliko këtu

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.