KLSH kallëzon penalisht 8 zyrtarë e ish-zyrtarë të hipotekave dhe 1 administrator ujësjellësi!
Kontrolli i Lartë të Shtetit ka kallëzuar penalisht në prokurori 2 ish arkivistë,1 juriste, 3 ish juristë dhe 2 hartografë të drejtorisë rajonale të Zyrës së Regjistrimit të Pasurive të Paluajtshme në Lezhë. Referuar njoftimit zyrtar të KLSH-së, nga auditimi i kryer janë konstatuar një sërë shkeljesh dhe parregullsish të dispozitave ligjore në fuqi, duke cënuar interesin publik , që konsistojnë në regjistrime e tjetërsime të pronave nga shteti në persona privatë në mënyrë të paligjshme.
Dëmi që i është shkaktuar arkës së shtetit vlerësohet 18.664 milionë lekë. Po ashtu, KLSH njofton se ka kallëzuar penalisht edhe administratorin e shoqërisë Ujësjellës-Kanalizime Lushnje pasi janë konstatuar shkelje me një dëm financiar për Buxhetin e Shtetit prej 334,854 Euro, ndërsa efekti negativ financiar për shoqërinë është 1,810,943 Euro (244 milion lekë).
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.