Kodi i ri doganor, më shumë lehtësi – Ekonomi: Importet dhe eksportet, trend rritës

Importet dhe eksportet në Shqipëri, sipas raportit “Doing Business”, kanë shënuar një trend rritës gjatë muajve të fundit.

Gjatë mbledhjes së Këshillit të Investimeve, ku u diskutua mbi lehtësitë doganore, ministrja e Zhvillimit Ekonomik, Milva Ekonomi ka theksuar nevojën për të parë importin e makinerive dhe pajisjeve në dimensionin e rritjes. Ministrja Ekonomi po ashtu nënvizoi rëndësinë e përmirësimit të Shqipërisë në raportin “Doing Business”.

Lidhur me lehtësitë doganore, Ekonomi nënvizoi se, me hyrjen në fuqi të kodit të ri doganor në muajin qershor, do të ketë më shumë lehtësira për biznesin.

Ekonomi shtoi se, legjislacioni i Drejtorisë së Përgjithshme të Doganave është afruar me standardet e BE dhe po i qaset bizneseve eksportuese, që kanë nevojë për informacion mbi ndryshimet e kodit doganor.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.