“Koha është e shtrenjtë” – Kështu mund ta kaloni kohën e lirë në mënyrë sa më produktive
Koha e lirë është përgjithësisht një kohë për t’u çlodhur nga java e kaluar dhe për të bërë diçka argëtuese. Nëse gjithmonë keni dashur t’a kaloni kohën e lirë në një mënyrë sa më efikase dhe produktive ju mund ta bëni këtë në shumë mënyra. Ju mund të merreni me sistemimin e shtëpisë suaj, mund të shikoni filma, apo të bëni të gjitha aktivitetet që dëshironi.
- Merruni me shtëpinë tuaj
Nëse e kaloni një pjesë të mirë të kohës në shtëpinë tuaj dhe ndjeni kënaqësi gjatë kohës që qëndroni aty atëherë sistemi shtëpisë suaj është më e mira që mund të bëni. Jo vetëm do t’ju bëjë të ndiheni më produktivë por do t’ju ndihmojë të ndiheni mirë me veten tuaj. Bëni një listë me të gjitha gjërat që duhet të ndryshoni apo sistemoni dhe filloni nga puna.
- Bëni një listë me të gjitha aktivitetet që pëlqeni
Bërja e aktiviteteve që pëlqeni është një mënyrë e mirë për të kaluar fundjavën. Jo vetëm që do të ndiheni më të shplodhur por do të jeni energjik për javën që vijon. Bëni një listë me aktivitetet dhe vendosni se cilën prej tyre do të bëni. Të njëjtën listë mund ta përdorni edhe për javët në vijim në mënyrë që të mos bëheni monotonë e të mos i përsërisni aktivitetet.
- Lexoni një libër
Leximi mund t’ju duket lodhës por nëse lexoni një libër që ju tërheq do t’ju duket gjëja më relaksuese në botë. Përpiquni të zgjidhni gjithmonë libra sa më argëtues e njëkohësisht që përmbajnë mesazhe të rëndësishme brenda. Gjatë kohës që do të relaksoheni do të merrni edhe mesazhe mjaft të rëndësishme.
- Merrni mësime për një hobi që keni
Fundjava është një moment i mirë për t’u marrë me gjëra që pëlqeni, kështu që pse jo mund të regjistroheni në një kurs noti, kitare, pikture apo një hobi që keni pasur që fëmije. Kjo do të ishte një mënyrë e mirë si për të kaluar kohën, ashtu edhe për t’u argëtuar.
- Mblidhuni me shoqërinë dhe kaloni disa orë me ta
Miqtë janë mënyra më e mirë për të dalë nga rutina e për t’u argëtuar. Aktivitetet që mund të bëni me miqtë tuaj janë të pafundme, por qoftë edhe një bisedë e vetme apo një kafe me ta do t’ju ndryshojë komplet ditën e do t’ju bëjë të ndiheni më mirë. Nëse jeni tip i shoqërueshëm, përpiquni që fundjavën të mos e kaloni në shtëpi, bëni sa më shumë aktivitete të mundni e takoni njerëzit tuaj të dashur. Do të kuptoni se këto takime kanë një domethënie shumë të madhe për humorin tuaj.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.