Koha në detyrë e Shinzo Abe/ Bëhet kryeministri që i shërben më gjatë Japonisë!

Shinzo Abe u bë kryeministri me kohën më të gjatë në detyrë në Japoni, çka ka ngritur pyetje mbi shkeljen e mundshme të ligjit. Shinzo Abe, që dha dorëheqjen në vitin e parë të mandatit në 2007, u rikthye në Dhjetor 2012, duke premtuar një ushtri më të fortë dhe një rimëkëmbje ekonomike, ndërkohë që ndryshonte edhe kushtetutën e pas luftës së Japonisë. Duke theksuar sfida të tilla si plakja e popullsisë dhe rishikimin e kushtetutës, Abe premtoi se do përpiqet të bëjë progres në 2 vitet e fundit të mandatit si lider i Partisë Liberale Demokrate, që përfundon në Shtator 2021.

Abe ka marrë vlerësime të larta për diplomacinë e tij. Marrëdhëniet e afërta me SHBA mund të kenë shmangur skenarin më të keq të luftës tregtare. Megjithatë,  përplasjet territoriale me Rusinë kanë bërë progres të dobët dhe marrëdhëniet me Korenë e Jugut janë të brishta. Ditën e Mërkurë, Abe shënoi ditën e 2887 në  detyrë, duke thyer rekordin e Taro Katsura, më shumë se 1 shekull më parë. Abe ka drejtuar koalicionin e tij në 6 fitore të zgjedhjeve kombëtare. Shqetësimet se ekonomia po shkon drejt recesionit, mund të sjellë një pengesë për të ardhmen e Shinzo Abe.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.