“Kokat lart teksa ecni në rrugë” – Google do të paralajmërojë nëse përdorni telefonin në lëvizje

Google ka rifreskuar versionin beta të aplikacionit ‘Digital Wellbeing’, i cili prezanton një tipar të quajtur ‘Heads Up’. Kjo është krijuar për të mbrojtur njerëzit që rrezikojnë të shpërqendrohen duke shikuar smartphone-in ndërsa ecin në rrugë.

Konkretisht, aplikacioni i identifikuar deri më tani vetëm në modelet e smartphone Pixel të markës Google, dërgon një njoftim nëse vëren se përdoruesi është i përkulur me kokën ulur, gjatë lëvizjes në këmbë.

Për ta bërë këtë, ‘Heads Up’ do të përdorë të njëjtat leje që kërkohen nga platformat e tjera të grupit, të tilla si Google Fit, përfshirë GPS dhe lëvizjen e sinjalit midis qelizave të telefonit, në mënyrë që të regjistrojë automatikisht aktivitetin fizik dhe të kuptojë lëvizjen e një subjekti jashtë.

Nëse telefoni inteligjent zbulon që përdorimi i ndonjë aplikacioni ose lëvizja e faqeve është duke u zhvilluar në ekran, ai dërgon një paralajmërim. Qëllimi është që njerëzit t’i kushtojnë më shumë vëmendje jashtë kur, siç ndodh shpesh, sytë e tyre janë drejt ekranit.

Aktualisht rifreskimi vjen me një mesazh: “Nëse ecni ndërsa përdorni telefonin tuaj, ju merrni një kujtesë për t’u përqëndruar në mjedisin tuaj.

Funksioni ‘Heads Up’ mund të aktivizohet nga menuja Digital Wellbeing, nga e cila është gjithashtu e mundur ta çaktivizoni nëse nuk dëshironi ta përdorni më.

Aplikacioni është i disponueshëm në Android Play Store dhe nga këtu ai do të rifreskohet në javët e ardhshme, me kohë dhe vende që nuk janë komunikuar ende nga Google. (ANSA)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.