Kolateralet e kreditorëve të këqij – Reforma 2020-2022: Të parët shlyhen kreditorët e siguruar, të dytët të preferuarit, të fundit ortakët e pronarëve
Zgjidhja e çështjes së kredive me probleme përmes përmirësimit të procedurave të falimentit do të jetë një prej pikave kyçe për nxitjen e kreditimit të ekonomisë por edhe zbutjen e huave të këqija, të cilat konsiderohen ende të larta. SCAN ka zbardhur programin e Reformave Ekonomike 2020-2022 të hartuar nga Qeveria, ku parashtrohen edhe pritshmëritë për lehtësimin e marrjes së kolateralave të kreditorëve të këqij nga ana e bankave. Disa nga risitë kryesore të ligjit kanë të bëjnë me subjektet që u nënshtrohen procedurave të falimentimit, duke zgjeruar rrethin e subjekteve monitoruese, rendin e përparësive, gjobat, falimentimin ndërkufitar.
Ndërkohë që do të jetë hierarkia e shlyerjes së detyrimeve ajo që pritet të ketë efektin më të madh në çlirimin e ngërçit të kolateraleve të kreditorëve të këqij. Ligji i falimentimit parashikon një hierarki të re për kërkesat e kreditorëve dhe duke mos referuar më nenin 605 të Kodit Civil.
Kjo hierarki e re përfshin:
a) pretendime të siguruara;
b) pretendime të preferuara të kreditorëve (duhet të lexoni përkufizimin e kreditorit të preferuar në nenin 3;
c) pretendime të pasigurta të kreditorëve; ç) duke përfunduar pretendimet e kreditorëve dhe vetëm në fund në radhë janë vendosur
d) pretendimet e ortakëve/të pronarëve. Rregulla kryesore është që çdo kreditor i së njëjtës klasë të trajtohet ekonomikisht i barabartë me kategorinë e tij të kërkesave, thekson dokumenti i Këshillit të Ministrave.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.