Komisionerja e BE: “Vaksina anti-Covid mund të jetë gati në fundin e këtij viti!”
Stella Kyriakides, Komisionerja e BE për Sigurinë Shëndetësore dhe Ushqimore i tha gazetës gjermane Handelsbatt: “Megjithëse parashikimet janë të rrezikshme në këtë pikë, ne kemi indikacione të mira që vaksina e parë do të jetë e disponueshme në fund të këtij viti ose në fillim të vitit të ardhshëm.”
Intervista, e cila u raportua në anglisht nga Politico dhe u botua të dielën, vjen pasi dhjetëra ekipe kërkimore në mbarë botën po provojnë të zhvillojnë një vaksinë. Por shkencëtarët nuk kanë vërtetuar ende nëse do të jetë e mundur të krijohet një vaksinë efektive kundër koronavirusit.
Organizata Botërore e Shëndetit paralajmëroi javën e kaluar se kurrë nuk mund të ketë një “plumb argjendi” në formën e një vaksine për të mundur përfundimisht pandeminë.
Dr Anthony Fauci, eksperti i sëmundjes infektive i cili ka ndihmuar në udhëheqjen e përgjigjes së Shtëpisë së Bardhë ndaj pandemisë, javën e kaluar tha se shanset për të zhvilluar një vaksinë që siguron mbrojtje për 98% ose më shumë njerëz ishin të vogla.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.