Komisioni Ad Hoc voton anëtarët e Kolegjit të Posaçëm të Apelimit, ja lista e emrave
Janë votuar sot në Komisionin Ad Hoc për krijimin e institucioneve të vettingut, 7 anëtarët e Kolegjit të Posaçëm të Apelimit. Konkretisht, Komisioni ka votuare që anëtarë në Kolegjin e Apelimit të jenë: Ardian Hajdari, Natasha Mulaj, Sokol Çomo, Ina Rama, Luan Daci, Albana Shtylla dhe Rezarta Schutz.
Gjithashtu më Kryesinë e Kuvendit u votuan dhe kandidatët e parë dhe të dytë zëvendësues të gjyqtarit në Kolegjin e Posaçëm të Apelimit, të cilët do të jenë Mimoza Tasi dhe Etleva Papleka.
Procesi i votimit të anëtarëve të Kolegjit u ndoq edhe nga Ambasadori i SHBA në Tiranë, Donald Lu dhe Ambasadorja e BE, Romana Vlahutin.
Gjyqtarët e Kolegjit të Apelimit, kanë një mandat 9-vjeçar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.