Komisioni Europian vendos ligje të reja për gjigandët online Google, Amazon dhe Facebook

Google dhe Amazon do të duhet t’u tregojnë kompanive se si ata rendisin produktet në platformat e tyre, ndërsa Facebook dhe kompanitë e tjera të teknologjisë duhet të jenë më transparente në lidhje me kushtet e tyre sipas rregullave të reja të BE.

Ligji platform-to-business (P2B), i propozuar nga Komisioni Europian në prill të vitit të kaluar, është lëvizja e fundit nga Europa për të frenuar gjigantët online dhe për t’u siguruar se ata i trajtojnë rivalët dhe përdoruesit më të vegjël në mënyrë të drejtë. Ligjvënësit në Parlamentin Europian dhanë aprovimin e tyre për ligjet e reja, të cilat do të duhet të miratohen edhe nga Këshilli Europian në muajt e ardhshëm përpara se të hyjnë në fuqi. Këto rregulla, të cilat do të mbulojnë 7,000 kompani online, do të synojnë tregun elektronik, dyqanet e aplikacioneve si dhe mediat sociale.

Tre produktet e Google Play, Shopping dhe Search, App Store Apple, Dyqani i Microsoft dhe Bing, Amazon Marketplace, eBay, Tregu Fnac, Instagram i Facebook, Skyscanner, Yahoo! dhe DuckDuckGo janë disa nga kompanitë e prekura nga rregullat.

“Si rregullatori i parë në botë që adreson sfidat e marrëdhënieve të biznesit brenda ekonomisë së platformës online, është një moment i rëndësishëm i Tregut të Vetëm Dixhital dhe krijon bazën për zhvillimet e ardhshme”, tha Andrus Ansip, shefi dixhital i Komisionit.

Rregullat përfshijnë një listë të zezë të praktikave tregtare të padrejta dhe kërkojnë që kompanitë të ngrenë një sistem të brendshëm për të trajtuar ankesat. Kjo rregullore e re do të kontribuojë pozitivisht në arritjen e tregut të vetëm dixhital, duke përforcuar besimin në internet. Anëtarët e saj përfshijnë Amazon, Apple, eBay, Expedia, Facebook, Google, Microsoft dhe Mozilla.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.