Komiteti teknik merr vendimin – Cilat janë masat e reja të ndërmarra?
Në një konferencë të mbajtur nga komiteti teknik i ekspertëve për situatën e epidemisë dhe masat Covid19, është vendosur të shtyhen pa afat masat e ndërmarra nga vendimi i mëparshëm.
Komiteti i ekspertëve ka vendosur që sërish të ndalohet grumbullimi i më shumë se 10 personave në vendet e hapura dhe të mbyllura, janë ndaluar grumbullimet partiake, konferencat, organizimet dhe dasmat.
Kufizimet orare gjithashtu do të mbeten si më parë ku nuk lejohet lëvizja e qytetarëve nga ora 22:00 deri në orën 06:00 të mëngjesit përveç rasteve emergjente dhe arsyet e punës.
Baret restorantet dhe fastfood-et do të vijojnë të jenë të mbyllura pas orarit dhe do të lejohen vetëm shërbimet delivery.
Komiteti ka vendosur që universitetet të vazhdojnë mësimin online ndërsa shkollat do të alternojnë mësimin fizik me atë online.
Komiteti ka theksuar se masat e vendosura do të jenë pa afat dhe në varësi të rasteve mund të vlerësohen edhe masa të tjera shtesë.
Ministrja Rakacolli është shprehur se brenda muajit dhjetor do të futen edhe testet e shpejta Covid-19 dhe e pyetur nëse do të ketë ndonjë mbyllje të plotë gjatë fundjavave, ministrja është shprehur se nuk është shtruar në asnjë moment si diskutim.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.