Komiteti Teknik – Vihet re përmirësim i situatës në 2 javët e fundit
Komiteti Teknik i Ekspertëve ka informuar qytetarët për situatën epidemiologjike të 2 javëve të fundit. Drejtoresha e Departamentit të Kontrollit të Sëmundjeve Infektive, Silva Bino tha se ka pasur edhe një përmirësim në mbulesën vaksinale në bashki.
“Ka pasur një rritje vaksinimi me dozat e dyta, po ka pasur edhe një përmirësim në mbulesën vaksinale në bashki. Sa i përket bashkisë me mbulesën vaksinale më të mirë, është Gjirokastra, pastaj Delvina , në veri janë Mirditë dhe Pukë, Kukës dhe Tropojë.
Nga ana tjetër vihet re se arsimtarët e shkollave të mesme kanë mbulesë më të mirë, se pedagogët dhe ata që janë në çerdhe dhe kopshte. Përdorimi i vaksinës , nuk ka vaksina të skaduara dhe të mos jetë përdorur, por përkundrazi janë përdorur konform të gjitha rregullave, punojmë me humbje zero të vaksinës. Për sa i përket punonjësve shëndetësore, kemi një mbulesë vaksinale të lartë, por kemi nevojë ta rrisim ata”, tha Bino.
Ndërkohë Drejtoresha e ISHP-së, Albana Fico ka bërë gjithashtu një panoramë të situatës së COVID-19 në vendin tonë.
“Ka pësuar një ulje, totali i rasteve aktive ka pësuar një rritje. Numri i Bashkive të prekura është 51, ka pësuar një rritje, % e rasteve të reja ku 52% femra dhe 48 meshkuj. Moshat e prekura 65-74 vjeç, të ndjekur nga 55-64. 33% me dy doza, bashkia me numrin më të lartë të vaksinimit është Gjirokastra ku 80 % e popullsisë janë vaksinuar me 1 vaksinë dhe 60% me dy doza. Po vijojnë vaksinimet në qendrat e vaksinimit dhe akoma jemi në muajin e hapur të vaksinimit masiv, ky muaj bëhet më i rëndësishëm se përkon me hapjen e shkollave”, tha Fico.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.