Kompania kineze që ‘çmendi’ tregun me aplikacionin “TikTok”, gati të nxjerrë smartphon-in e saj të parë
Aplikacioni TikTok, i krijuar nga kompania kineze ‘ByteDance’ është kthyer në një kohë relativisht të shkurtër ndër më të preferuarit duke mbledhur si përdorues të saj rreth 1.1 bilion njerëz.
Kjo gjë ka shqetësuar shumë ligjvënës amerikanë për shkak të dhënave të mëdha të grumbulluara nga qytetarët e saj prej kompanisë kineze dhe frikës nga keqpërdorimi i tyre.
Mirëpo, kompania nuk ka ndërmend të ndalet, madje është gati për nxjerrjen në treg të një ‘smartphon-i’ të ri i quajtur ‘Jianguo Pro 3’.
Gjithçka nisi kur ‘ByteDance’ bleu kompaninë ‘Smartisan Technology’, një gjigand i tregtimit të produkteve elektronike me zyra qëndrore në Beijing, që solli në jetë lindjen e këtij telefonit të ri.
Çmimi duke filluar nga 400 dollarë
Telefoni do të arrijë në treg me çmimin e lirë prej 2,899 yuanësh, ekuivalenti i 410 dollarëve dhe nuk është surprizë që brenda tij do të jetë i instaluar ‘TikTok’, ku me thjeshtësinë me të madhe vetëm nëpërmjet rrëshqitjes së gishtit ju mund të përdorni direkte efektet dhe filtërat e aplikacionit.
I përkufizuar si ‘smarphone’ personal i TikTok, zëdhënësi i kompanisë ‘ByteDance’ ka konfirmuar se telefonit nuk do t’i mungojë asgjë nga teknologjitë më të fundit bashkëkohore dhe është vetëm fillimi i një seri të gjatë modelesh të tjera që pritet të vijnë.
Jiangou Pro 3 në fakt do të jetë i pajisur me një procesor mjaft të fuqishëm Snapdragon 855 dhe me një bateri prej 4,000 mAh, si dhe i pajisur me një ndarje fotografike të fortë të katër dhomave të pozicionuara në pjesën e pasme (një sensor kryesor 48 Megapixel, një lente ultra e gjerë 13 MP, një lente telofoto 8 MP dhe një aparat makro 5 MP) dhe një sensor selfie 20 megapixel para ekranit, ku sensori i gjurmëve të gishtërinjve është gjithashtu i vendosur.
Ky “smarphone” i ri pritet të ketë nën objektivin e tij grupmoshat nga 18 deri në 25 vjeç dhe pritet të ketë sukses në treg për shkak të apliakcionit “TikTok”, i cili ka më shumë përdoures mujorë se ‘Snapchat dhe ‘Tëitter’.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.