Kompania shqiptare e fluturimeve “Air Albania” bëhet me zyra! 2 prona në Tiranë vendosen si kapital shtetëror
Shteti shqiptar do të jetë aksioner në kompaninë e fluturimeve “Air Albania” përmes përfshirjes në shoqërinë me përgjegjësi të kufizuar që do të krijohet, duke vendosur si kapital dy prona me sipërfaqe rreth 355 metra katrorë në Tiranë.
Vendimi është publikuar në Fletoren Zyrtare dhe parashikon kalimin e pronësisë nga shoqëria Aeroporti “Nënë Tereza” sh.a., Tiranë, te shoqëria “Albcontrol” sh.a., Tiranë, të dy pasurive në zonën kadastrale 8350 në Tiranë.
Vendimi specifikon se transferimi i pronësisë ka “qëllim përfshirjen, si kapital i palës shtetërore, në shoqërinë me përgjegjësi të kufizuar, për krijimin, administrimin dhe operimin e linjës ajrore kombëtare shqiptare “Air Albania”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.