Kompanitë që dominojnë ekonominë – Kush janë të pasurit e ndërtimit, prodhimit, transportit e shërbimeve

Dominojnë sektorët e ekonomisë për nga qarkullimi i parave, por edhe nga fitimet e konsiderueshme. TV SCAN zbardh listën e e vënë në dispozicion nga Drejtoria e Përgjithshme e Tatimeve, të kompanive më të mëdha që kryesojnë sektorët e ndërtimi, prodhimit, shërbimeve dhe transportit.

Referuar të dhënave, në krye të listës në sektorin e ndërtim, qëndrojnë tre kompanitë e huaja, “SPIECAPAG Transadriatica”, e cila po ndërton projektin e gazsjellësit TAP,  “JOINT VENTURE RENCO TERNA”, që sërish është e angazhuar në projektin TAP ,  “LIMAK INSAAT SANAY”, ku të tria së bashku,  sipas të dhënave nga Qendra e Biznesit Kombëtar, kanë qarkulluar në 2018-ën 53 miliardë lekë.

Ndërkaq,  sektorin e prodhimit e dominon Shoqëria Aksionere, Operator i Shpërndarjes së Energjisë Elektrike,  e cila gjatë 2018 ka qarkulluar 62.6 miliardë lekë, e ndjekur nga KURUM INTERNATIONAL SH.A me 29.4 miliardë lekë xhiro vjetore ”, dhe më pas nga Korporata Elektro Energjetike Shqiptare, më 18.6 miliardë lekë.

Në sektorin e shërbimeve, në krye të listës renditet Banka Kombëtare Tregtare, e ndjekur nga Spiecapag Shqipëria, dhe Info Telekom, ku të tria së bashku regjistrojnë një xhiro vjetore prej 106 miliardë lekësh.

Në sektorin e transportit, vendin e parë e mban “Tirana International Aeroport”, si aeroporti i vetëm në vend, e ndjekur nga kompanie e fluturimeve “Albawings” dhe kompania publike “Albcontrol”. Këto kompani ruajnë thuajse të njëjtat pozicione në treg në vitet e fundit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.