Kompensimi financiar, lista e pronarëve që përfitojnë. Fondi i vënë në dispozicion  

Agjencia e Trajtimit të Pronave ka përfunduar procesin e shqyrtimit të kërkesave të disa pronarëve për kompensim financiar.

Shqyrtimi i kërkesave është bërë bazuar në ligjin nr. 133/2015 “Për trajtimin e pronës”, e mbështetur gjithashtu në disa vendime të Këshillit të Ministrave. Konkretisht, ATP bën me dije se ka miratuar pranimin e 7 kërkesave të paraqitura nga subjektet e shpronësuara, për kompensim financiar me kërkesë të veçantë.

“Nga kërkesat e shqyrtuara deri më tani, rezulton se 6 prej aplikimeve do të trajtohen me kompensim financiar, ndërkohë për 1 aplikim është vendosur përfundimi i procedimit administrativ. Bazuar në të dhënat e vendimeve, që i kanë njohur të drejtën e kompensimit subjekteve të shpronësuar, shuma totale që do të shpërndahet është 8 046 499 (tetë milionë dyzet e gjashtë mijë e katërqind e nëntëdhjetë e nëntë) lekë, fond i cili do të mbulohet nga Buxheti i Shtetit. Për këto aplikime si rrjedhojë e implementimit të formulës së kompensimit të miratuar në Ligjin nr. 133/2015 buxhetit të shtetit i kursen një shumë prej 58 512 447 (pesëdhjetë e tetë milionë e pesëqind e dymbëdhjetë mijë e katërqind e dyzet e shtatë) lekë”, thuhet në njoftimin e ATP.

Lista e përfituesve

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.