Koncesionet/PPP – Ahmetaj: Do të vazhdojnë të përdoren nga qeveria
Pas akuzave të Partisë Demokratike se qeveria ka shkelur direktivat europiane lidhur me koncesionet dhe Partneriteti Publik Privat, ka reaguar edhe kryetari i Komisionit të Ekonomisë, Arben Ahmetaj. Sipas tij, qeveria ka bërë kufizimet e nevojshme në ligj dhe koncesionet/PPP do të vazhdojnë të përdoren nga qeveria.
“PPP është një instrument që do të vazhdojë të përdoret nga qeveria. E gjithë bota e përdor. Ne kemi vendosur në ligjin organik të buxhetit kufizime për PPP”, tha Ahmetaj.
Ndërkohë, vetëm pak ditë më parë qeveria vendosi pezullimin e koncesionit për ndërtimin e rrugës Thumanë-Kashar, duke i kaluar fondin e akorduar për këtë investim Paktit për Universitetin.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.