Koncesioni i Aeroportit të Athinës – Greqia dhe aksionerët do të zgjerojnë dakordësinë me 20 vite
Greqia pritet të arrijë një dakordësi me aksionerët e Aeroportit Ndërkombëtar të Athinës muajin që vjen, për të zgjatur koncesionin për aeroportin më të madh të vendit me 20 vite.
Agjencia e privatizimit të Greqisë zotëron 30% të pronësisë së aeroportit, ndërsa Qeveria mban 25%. Pjesa e mbetur zotërohet nga manaxhuesi i aeroportit me seli në Gjermani, AviAlliance dhe nga grupi grek, Copelouzos.
Nën programin e tretë të shpëtimit nga Bashkimi Europian dhe Fondi Monetar Ndërkombëtar të arritur në 2015-ën, Greqia premtoi se do të rinovojë marrëveshjen me aksionerët privatë, duke i lejuar këta që të manaxhojnë aeroportin deri në vitin 2046.
Aksionerët do ta paraqesin ofertën drejt agjencisë së privatizimeve të vendit brenda disa ditëve, ndërkohë që marrëveshja përfundimtare pritet të nënshkruhet në Qershor, raporton Kathimerini.
Greqia dhe aeroporti pritet ta përfundojnë dakordësinë deri në Tetor, ndërkohë që sigurojnë miratim nga Komisioni Europian, me zyrtarët në Athinë që shpresojnë për 500 milionë euro në avancë.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.