Konfirmimi/Tiranë-Durrës dhe Tiranë-Ndroq-Plepa (Durrës) do t’i nënshtrohen rikonstruksionit! Por cila do të bëhet me pagesë?

Një ditë më parë kryeministri Edi Rama nga Durrësi bëri të ditur planin për të ndërhyrë në aksin rrugor Tiranë-Durrës dhe në rrugën dytësore që kalon Ndroqi e që lidh dy qytetet. Projekti do të bëhet publik në mesin e muajit tjetër.

Por gjatë prezantimit të projekteve të reja, kryeministri bëri të ditur se autostrada Tiranë-Durrës do t’i nënshtrohet rikonstruksionit, me fokus zgjerimin e saj.

Edhe rruga tjetër, Tiranë-Ndroq-Plepa (Durrës) do t’i nënshtrohet rikonstruksionit duke krijuar kështu mundësinë e dy akseve alternative për lidhjen e Tiranës me Durrësin.

Në vijim të fjalës së tij, kryeministri konfirmoi se do të jetë autostrada Tiranë-Durrës aksi që do të bëhet me pagesë, ndërsa aksi tjetër që kalon nga Ndroqi do të jetë falas.

Rindërtimi i aksit rrugor që kalon nga Tiranë në Ndroq për të vijuar në Durrës, sipas kryeministrit, do t’i japë një hov zhvillimit të agroturizmit në këtë zonë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.