Konfirmohen dy rastet e para të COVID-19 edhe në Malin e Zi

Autoritetet malazeze kanë konfrimuar mbrëmë dy rastet e para të COVID-19 edhe në Malin e Zi, i cili kishte mbetur i vetmi shtet i rajonit ende i pa prekur nga pandemia e Koronavirusit.

Kështu, nuk ka më asnjë shtet në Europë në të cilin nuk ka raste të virusit sipas informacioneve të derimë tanishme.

Kryeministri Duçko Markoviç u tha gazetarëve se pacientët ishin dy gra, të lindura përkatësisht në 1948 dhe 1973. Ai e përshkroi gjendjen e tyre si normale. Dy gratë u kthyen nga SHBA dhe Spanja 12 ditë më parë, tha Marković për Reuters.

Mali i Zi tashmë ka mbyllur kufijtë e tij, ka ndaluar transportin publik, shkollat dhe institucionet nuk po funksionojnë. Vetëm supermarketet dhe farmacitë mbeten të hapura. (REUTERS)
E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.