Konfirmohet riformatimi i qeverisë, ndryshojnë 4 ministra. Rama: Ndryshimet për shkak të angazhimit në fushatë
Në komunikimin e përjavshëm në rrjetet sociale, kryeministri Edi Rama ka konfirmuar ndryshimet në kabinetin qeveritar. Në fjalën e tij, kryeministri tha se nga kabineti qeveritar do të largohen Ministri i Brendshëm Saimir Tahiri, ministri i Shëndetësisë Ilir Beqaj, ministri i Mirëqënies Sociale Blendi Klosi dhe ministri për Çështjet Vendore, Bledi Çuçi.
“Ndryshimet nuk nxiten nga rezerva për punën apo rezultatet e katër ministrave, të cilët largohen me konsideratën time më pozitive për kontributin e tyre në rrugën e vështirë të reformimit dhe të transformimit të vendit gjatë këtyre 3.5 viteve përpjekje për të bërë shtet. Ndryshimet e qeverisë nuk reflektojnë asgjë tjetër përveçse domosdoshmërinë që udhëheqësit tanë politikë të fushatës së 18 qershorit të fokusohen me energji të reja dhe prani të vazhdueshme pranë njerëzve në përballimin e volumit të jashtëzakonshëm të kontakteve me njerëzit që kërkon kjo fushatë” tha Rama.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.