“Konkurroni rajonin me investime”. Bizneset amerikane kërkojnë “joshje” me politika

Bizneset amerikanë në Shqipëri kërkojnë nga administrata tatimore që të hartojë politikia tërheqese në raport me rajonin në mënyrë që ta bëjnë klimën e biznesit më interesante dhe të tërhiqen investime të reja. Kjo ishte një ndër tre kërkesat kyçe që Dhoma Amerikane e Tregtisë i adresoi Drejtorisë së Përgjithshme të Tatimeve, ku nuk la pa përmenduar edhe kërkesën për qendurshmërinë në sistemin e taksimit.

Por bizneset, morën vetëm një përgjigje konkrete lidhur me kërkesat e tyre dhe që ka të bëjë me mosndryshimin e shpeshtë të taksave.

Ndër problematikat e tjera të përmendura që shqetësojnë bizneset amerikane në vend,  është edhe evazioni fiskal dhe informalitet, ku propozohet që të rishikohen fashat e taksimit.

Në takimin me Drejtorinë e Përgjithshme të Tatimeve, Dhoma Amerikane e Tregtisë ka kërkuar gjithashtu respektimin e afateve për rimbursimin e TVSH-së, pasi vijon të mbetet një çështje shqetësuese.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.