Konservatorët fitojnë në Austri – Rikthehet Sebastian Kurz. I duhet një koalicion i ri
Lideri konservator i Austrisë, Sebastian Kurz, triumfoi në zgjedhjet parlamentare të së Dielës, ku e djathta ekstreme e njollosur nga skandalet pësoi humbje dhe të Gjelbrit morën mbështetje.
Kjo i jep mundësinë Kurz që të formojë koalicion me ndonjërën nga partitë. Zgjedhjet erdhën pas kolapsit të koalicionit të Kurz me të djathtën ekstreme në muajin Maj, për shkak të publikimit të një videoje që detyroi zëvendës Kancelarin Heinz-Christiane Strache të japë dorëheqjen.
“Të dashur miq, jam pa fjalë. Faleminderit shumë për mbështetjen. Si qeveri federale, ne na u kërkua të largohemi në Maj. Ishin 4 muaj shumë të vështirë dhe sot votuesit kanë rikthyer mbështetjen te ne”, është shprehur Sebastian Kurz.
Tridhjetë e tre vjeçari Kurz doli i paprekur nga skandali, madje ka fituar mbështetje nga votuesit e partisë së djathtë. Ashtu siç parashikohej edhe nga sondazhet prej muajsh, Partia Popullore e Kurz rezultoi në vend të parë me 37% të votave.
Social Demokratët morën vendin e dytë me 21.8%, që është rezultati më i dobët që prej Luftës së Dytë Botërore, megjithatë, sipër partisë së Lirisë (FPO) me 16%. Të Gjelbrit fituan 14.1% gjatë votimit të ditës së Diel.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.