Konsumi në Gjermani – Ngadalësohet në Shtator, por pritet të kontribuojë në ekonomi këtë vit
Konsumi privat në Gjermani është ngadalësuar në Shtator, ndërkohë që shitjet me pakicë kanë pasur një rritje më të ulët se sa pritej gjatë muajit. Megjithatë, treguesi vjetor ka rezultuar në rritje, duke shtuar provat që konsumi do të mbështesë rritjen ekonomike këtë vit.
Treguesi i luhatur, shpesh subjekt i rishikimeve, tregoi se shitjet në ekonominë më të madhe të Europës u rritën me 0.5% gjatë muajit, poshtë vlerësimeve për 0.7% rritje. Zyra Federale e Statistikave raportoi se shitjet me pakicë me bazë vjetore, u rritën bindshëm me 4.1%, duke thyer vlerësimin më optimist.
Konsumatorët gjerman kanë sjellë zhvendosjen e eksporteve si nxitës kryesor të ekonomisë, falë punësimit në nivele rekord, rritjes së sigurisë në punë, rritjes së pagave reale dhe kostove rekord të ulëta të huamarrjes.
Të dhënat mbi shitjet me pakicë u publikuan disa ditë pas sondazhit GfK, që tregoi një përkeqësim të ndjesisë së konsumatorëve gjermanë për Tetorin. Perspektiva e përgjithshme për ekonominë qëndron optimiste, me institucionet kryesore të vendit që kanë rritur projeksionet për këtë vit edhe tjetrin, me 1.9% dhe 2% në mënyrë respektive.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.