Kontrata-50 mijë metra katrorë jepen me qira 1 euro për 60 vite! Projekti për fabrikë në Zhupan të Fierit

Marrëveshja që qeveria shqiptare ka nënshkruar me kompaninë koreane Yura për ndërtimin e një fabrike për prodhimin e pjesëve elektrike për automjete është publikuar në Fletoren Zyrtare duke marrë fuqi ligjore. Janë dy vendime që i hapin rrugë këtij investimi në vlerë 6.5 milion euro dhe që parashikohet të punësojë 516 punonjës. Vendimi i parë është ai i transferimit të pronësisë nga kompania shtetërore e naftës Albpetrol te Ministria e Financave dhe Ekonomisë  të sipërfaqes prej rreth 50 mijë metra katrorë në Zhupan të Fierit. Kjo sipërfaqe me parë ka qenë ajo që njihej si baza e tubove.

Ndërkohë, vendimi i dytë parashikon se sipërfaqja rreth 50 mijë metra katror do t’i kalojë në përdorim me qira 1 euro kompanisë “Yura Corporation Albania”për një periudhë 60 vjeçare.

Në këtë rast, vendimi parashikon trajtimin si investitor strategjik.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.