Kontratë e re për vaksinën e Pfizer – Rakacolli: Duhet për të sjellë 23.400 doza, që na janë akorduar nga mekanizimi COVAX
Qeveria shqiptare do të duhet të nënshkruajë një kontratë të re me kompaninë Pfizer, pasi vetëm në këtë mënyrë mund të marrë vaksinat e kësaj kompanie për COVID-19, që i janë akorduar nga mekanizimi COVAX. Gjatë diskutimeve në Komisionin parlamentar të Shëndetësisë, të Aktit Normativ për tekstin e marrëveshjes së re, zv. ministrja e Shëndetësisë dhe Mbrojtjes Sociale, Mira Rakacolli tha se aktualisht nga mekanizimi COVAX janë akorduar 23400 vaksina Pfizer, por pa marrëveshjen e re ato nuk mund të vijnë në Shqipëri.
Rakacolli foli edhe për situatën epidemiologjike në vend, që e konsideroi të qëndrueshme.
Qeveria ka deklaruar se deri në fund të muajit qershor synon injektimin e 1 milion dozave vaksinë për Covid-19.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.