Kontroll i protokolleve dhe mbajtja e distancave të sigurisë – AKU kryen 422 inspektime dhe monitorime në të gjithë vendin
Trupat inspektuese të AKU-së kanë vijuar edhe gjatë 24 orëve të fundit 422 inspektime dhe monitorime në kuadër të Taks-Forcës kundër përhapjes së COVID-19.
Sipas AKU gjatë kontrolleve të kryera është vërejtur se bizneset zbatojnë kushtet higjieno-sanitare, si dhe disponojnë dokumentacionin për sigurinë ushqimore. Në të njëjtën kohë vijohet të këshillohen bizneset ushqimore për zbatimin me përpikmëri të protokolleve të sigurisë kundër përhapjes së COVID-19 dhe mbajtjen e distancave gjatë blerjeve.
AKU bën me dije se bazuar në Planin e Monitorimit gjatë ditës së sotme, janë marrë 45 mostra në të gjithë vendin, kryesisht mostra për monitorimin e qumështit, por edhe mostra në perime për analizimin e mbetjeve pesticide.
Autoriteti Kombëtar i Ushqimit bazuar edhe legjislacionit në fuqi, do të vijojë të jetë I pranishëm në inspektime dhe monitorime në garantim të sigurisë ushqimore dhe shëndetit të konsumatorit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.