Koronavirusi/ Italia merr masa ‘ekstreme’: ‘Shmangni shtrëngimet e duarve, të moshuarit të mbyllen në shtëpi’!

Italia ka dhënë sot dritën jeshile për dekretin e Presidentit të Këshillit të Ministrave për masat e reja shëndetësore kundrejt Koronavirusit. Pikërisht të enjten një Këshill i Ministrave do të fillojë procesin për kërkesën e tejkalimit të deficitit prej 3.6 miliardë euro dhe do të fillojë ekzaminimin e dekretit të ri me masa ekonomike.

Rendi i ditës u ilustrua nga Kryeministri Giuseppe Conte para krerëve të delegacionit të mazhorancës dhe drejtuesve të grupit të të gjitha forcave të pranishme në Parlament. Hapi i parë, pra, do të jetë kujdesi shëndetësor, me një seri indikacionesh për t’u dhënë qytetarëve.

Italianët do të duhet të ndryshojnë stilin e jetës së tyre për të paktën 30 ditë. Asnjë shtrëngim duarsh, asnjë përqafim, thjesht takime dhe konferenca, s’do të ketë më manifestime apo evente madje as takime sportive. Ndërkaq ndeshjet e futbollit do të realizohen vetëm pas dyerve të mbyllura. Por zgjidhja përfundimtare do të vendoset në orët e ardhshme. Qeveria synon gjithashtu të forcojë sistemin shëndetësor, me një rritje prej 50% të vendeve të kujdesit intensiv, që janë më shumë nën presion nga urgjenca e Koronavirusit. (ansa)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.