Koronavirusi/ Në lidhje direkte me SCAN nga Kina, gazetari shpjegon masat: S’lejohen grumbullime mbi 3-4 persona, janë ndaluar dasmat e ditëlindjet

Situata e krijuar nga koronavirusi duket se ka filluar të prodhojë qetësi në Kinë, që është edhe epiqendra. Gazetari shqiptar Edison Myrteza shpjegoi në lidhje direkte për SCAN nga Kina se rënia e rasteve të të prekurve ka filluar të japë efekte pozitive në popullatë, edhe pse ende situate mbetet e vështirë në disa province kineze.

Veç humbjes së madhe të jetëve njerëzore, Myrteza evidentoi se një ndër problematikat e deritanishme është edhe impakti negative mbi ekononominë kineze. Deri më tani, dëmi llogaritet 81 miliardë dollarë dhe mund të rritet edhe më tej.

Më tej, Myrteza shpjegoi masat drastike që Kina mori për parandalimin e përhapjes së koronavirusit, ku nuk lejohej grumbullimi I shumë personave, u ndaluan evente publike e ato familjare apo qarkullimi pa maskën mbrojtëse.

“Përdorimi i maskës është një urdhër i padiskutueshëm. Ndërkohë është kërkuar që të mos dilet në ambiente publike. Janë frenuar  festimet sa u përket martesave të ndryshme, ditëlindjet apo përkujtimoret.

Nuk lejohen grumbullime me shumë se 3-4 persona sëbashku dhe nese shihet dikush më shumë, inspektoriati shkon e kërkon largimin e tyre. Në Pekin nuk lejohet që të futesh pa kaluar 14 ditëshin e karantinës, me apo pa dëshirë” tha Myrteza.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.