Koronavirusi – Shpresë për Italinë pasi shënon rënien e parë në rastet aktive të virusit
Numri i personave të identifikuar zyrtarisht si të infektuar me koronavirus në Itali ka rënë për herë të parë që nga fillimi i shpërthimit të vendit, thanë autoritetet.
Që nga e hëna, ishin 108.237 njerëz të cilët ishin duke u trajtuar në spital ose duke u shëruar në shtëpi, 20 më pak se një ditë më parë. Autoritetet thonë se rënia e vogël por simbolike është një “zhvillim pozitiv”.
Bllokimi i Italisë vazhdon deri më 3 maj, por disa biznese janë rihapur. Ato përfshijnë librari, kancelari dhe dyqane që shesin rroba për fëmijë.
Italia ka numrin e tretë më të lartë të rasteve me Covid-19 në botë pas Spanjës dhe SHBA-së. Të Dielën, rritja e rasteve aktive pozitive në vend ishte 486.
“Për herë të parë, kemi parë një zhvillim të ri pozitiv: numri i të infektuarve aktualisht ka rënë,” tha shefi i agjencisë për mbrojtje civile Angelo Borrelli para gazetarëve.
Ndërsa numrat e infeksionit janë shkak për optimizëm, numri i përditshëm i vdekjeve po dëshmohet shumë i lartë në vend. (BBC)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.