Korporata e investimeve sërish në pikëpyetje – Haxhi: Tre modele prokurimi, shembull nga Jordania dhe Singapori

Komisoni i Ekonomisë dhe Financave ka shqyrtuar draftin e ri për Korporatën e Investime, në të cilin janë reflektuar kritikat e bëra nga Komisioni Europian, duke përfshirë në të tre modele prokurimi në varësi të mënyrës së financimit, ndërsa ai që nuk ndryshon, është fakti që kapitali fillestar prej 360 milion lekësh do të jetë nga buxheti i shtetit.

Drafti ka ngjallur diskutime mes palëve për shkak se z.Ministri i Financave ka pohuar se krijimi i Korporatës së Investimeve është marrë si shembull nga shtet si Jordania apo Singapori, dhe jo nga vende të Bashkimit Europian. Ndërsa opozita në komision e ka paragjykuar këtë praktikë.

Projektligji fillestar për krijimin e Korporatës Shqiptare të Investimeve  e cila do të menaxhojë pronat shtetërore është kritikuar nga FMN, Banka Botërore si dhe nga ekspertë të ekonomisë për shkak se linte hapësira për abuzim. Ndërkaq, ish deputetja Jorida Tabaku, sërish ka shprehur shqetësimin se ky draft, pavarësisht ndryshimeve, është në kundërshtim me kushtetutën, dhe ka si synim gllabërimin e pronave publike.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.