Korrigjimi i ardhshëm në tregje – Shiller: Rezultatet pozitive të firmave nuk mjaftojnë për ta shmangur
Fituesi i çmimit Nobel për ekonomi, Robert Shiller, tha se sezoni pozitiv i raportimit të të ardhurave nga kompanitë, mund të mos mjaftojë për të sjellë një rimëkëmbje në tregjet e kapitalit. Pavarësisht 2 korrigjimeve të ndodhura në muajin Shkurt, Shiller, i cili ka parashikuar flluskën e internetit në vitin 2000 si dhe krizën financiare të 2008-ës, tha se çmimet në tregjet e aksioneve janë ende të mbivlerësuara.
“Deri në tremujorin e fundit të vitit që kaloi, të ardhurat reale të kompanive në indeksin S&P 500 ishin poshtë nivelit të 2015-ës, nëse përshtaten me inflacionin. Nuk është se tregu ndodhet në performancë spektakolare”, tha Shiller. Ai shtoi se të ardhurat e forta përbëjnë lajm pozitiv për tregjet, megjithatë nuk është për të mbajtur shpresat. Deri më tani për tremujorin e parë, sezoni ka nisur me ton pozitiv.
Ditën e Premte bankat e mëdha si JP Morgan, Citi, dhe Wells Fargo raportuan rezultate të forta. Megjithatë, tregu i gjerë nuk e pa si një sinjal për të pësuar rritje. Dow Jones u mbyll në rënie të Premten dhe S&P 500 e Nasdaq u tërhoqën gjithashtu. Ekonomisti tha se është ende e paqartë se çfarë do të sjellë përmbysjen e re në tregje. Aktualisht, ai tha përmendi qasjen pozitive ndaj biznesit të Trump si pozitive për tregjet e aksioneve.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.